Obra: Poema "Has de cantar ", incluído en Cantares gallegos Xénero: Poesía Época: Século XIX (Romantismo) Autora: Rosalía de Castro Reproducimos a continuación o poema "Has de cantar", de Rosalía de Castro, nada en Santiago de Compostela en 1837. I Has de cantar, meniña gaiteira; has de cantar, que me morro de pena. Canta, meniña, na veira da fonte; canta, daréiche boliños do pote . Canta, meniña, con brando compás, daréiche unha proia da pedra do lar. Papiñas con leite tamén che daréi; sopiñas con viño , torrexas con mel. Patacas asadas con sal e vinagre, que saben a noces. ¡Qué ricas que saben! ¡Qué feira, rapaza, si cantas faremos...! Festiña por fora, festiña por dentro. Canta, si queres, rapaza do demo; canta, si queres; daréiche un mantelo . Canta, si queres, na lengua que eu falo. Daréiche un mantelo. Daréiche un refaixo . Co son da gaitiña, co son da pandeira, che pido que cantes, rapaza morena. Co son da